Pigil ang hininga at nagkukumahog ko ng binuhat ang aking wine glass na sa aking pagmamadali ay kamuntikan ko ng matabig. Para akong binuhusan ng malamig na tubig sa kaalamang nasa iisang lugar kaming dalawa ni Nicko at may kasamang magkaibang tao. Hindi ko lubos maisip na darating kami sa puntong ito na sa hinagap ay hindi ko man lang naisip. Naramdaman ko pa ang pagbubutil ng pawis nang dahil sa kabang aking nararamdaman.
Shit! Of all places, dito pa talaga?
Anong ginagawa niya dito?
Hindi ba pwedeng sa ibang restaurant sila kumain ng bagong babae niya?
Oo naiintindihan ko naman. Parehong may lugar sa aming puso ang restaurant na ito na madalas naming puntahan dahil sa pet friendly pero bakit sa ganitong pagkakataon pa? Wala naman siyang dalang aso kaya bakit naririto?
Awtomatikong
