Pagod kong itinulak ang pintuan ng apartment. Panay ang buntong-hininga ko habang inuulit sa aking isipan ang mga naganap na senaryo. Parang ang bilis ng mga pangyayari. Sa halip na ang isipin ko ay kung paano ko si Preston pakikisamahan dahil sa padalos-dalos kong desisyon na binitawan ay heto ako, iniisip kung ano ang tumatakbo sa isipan ni Nicko ngayon. Gusto ko iyong malaman, lalo pa at alam ko sa aking sarili na hindi okay sa kanya ang nakita niya na may kasama akong ibang lalake. Ewan ko ba, umaasa pa rin akong magiging okay pa kaming dalawa kahit parang ang labo na dahil sa may minamahal na siyang iba. Ang isiping iyon ay nagdulot sa akin ng ibayong sakit na kasabay ng pagdaan ng senaryong hinapit niya ang beywang nito sa mismong aking harapan.
“Tumigil ka na Sanna, hindi ka pa rin
