Kinabukasan ay taas ang noong pumasok ako ng trabaho kahit may namamagang mga mata at halatang hangover ng alak sa aking katawan. Hindi naman iyon bawal, iyon nga lang ay hindi mo pwedeng maging araw-araw na habit. Pinapayagan lang iyon tuwing ang pasok ay araw ng Lunes at galing ng weekend. Ganun ka-cool ang school na iyon sa mga teacher nilang nagtuturo dito.
“Goodmorning, Sanna, umiyak ka ba?” si Mary na nakasabay ko sa may hallway na patungo ng gymnasium, hindi kalakihan ang academy na iyon pero sapat na ito upang mag-accomodate ng ilang daang estudyante na nais matutong sumayaw. Co-teacher ko rin siya na kagaya ni Dahlia, kasabayang nag-aral noon at mas matanda sila sa akin marahil ng isa o dalawang taon. “Mugtong-mugto ang mata.”
Mabilis kong iginalaw ang aking magkabilang balikat
