“SO, what happened last weekend? Uso mag-kwento, baks.” Napatingin siya kay Eloy. Napangalumbaba ito sa harap niya. Si Sofia naman kahit busy sa kung anong ginagawa nito sa laptop ay nag-aabang din ng kwento niya. Napahinga siya nang malalim. “May re-enactment ba na naganap over the weekend?”
Napaubo siya kaya ang kaninang naka-focus sa laptop na si Sofia ngayon ay natuon na ang buong atensyon sa kanya. May sumilay na nakakalokong ngiti sa mga labi ni Eloy. Wala talaga siyang maitatago dito. Hula niya nararamdaman nito ang positive energy na nag-uumapaw sa aura niya ngayon. Baka nga totoong magkakabit ang pusod nilang dalawa o magkapatid sila sa past life nila. Ikiling niya ang kanyang ulo. Kung ano ano na naman ang pumapasok sa isipan niya.
“Silence means yes, mars. Ang tagal niya sumag
