NAG-ANGAT ako ng tingin sa kapapasok lang na si Lourdes. Kaninang umaga ay halos sabay kaming dumating ng opisina. Natuwa naman ako nang sa wakas ay bumalik na siya. Mahahati na ang obligasyon ko sa agency. Mabuti at matututukan ko pa ang malalaking projects lalo na ang bagong concept ko para sa Hayal.
“Yes, Lulu?” tanong ko pero, sigurado akong hindi problema ang hatid sa akin ng isang ito. Ang laki kasi ng ngiti niya habang palapit sa table ko. Naupo siya sa silya sa harap at dinampot ang pulang stress ball.
“Wala naman, Annie. Wala ka kasing nababanggit sa akin mula pa kanina tungkol sa bagong partner ng Hayal. Kung hindi ko pa narinig na pinag-uusapan nina Yunna at ng ibang empleyado ay hindi ko malalaman na bata pa at gwapo raw si Mr. Jeff Navarro.”
“’Yan lang ba ang itatanong mo k
