CHAPTER 6
SA VAN NA kulay itim sumakay sina Marra at ang buong grupo pati ang kapatid niya. Ito ang nagsisilbing service ng mga ito at oo, nagkasya silang labing-lima rito sa loob bukod sa driver. Malaki naman kasi iyon at halatang pinasadya ng GMX Entertainment.
Isa siya sa unang pinasakay nina Reed kaya sa dulo siya pumuwesto. Sa bintana siya kaagad naupo para naman kahit paano ay may sasandalan ang ulo niya mamaya kapag nakaidlip siya sa byahe. Balak niya kasing ipikit ang mga mata mamaya dahil talagang pagod na pagod ang katawang lupa niya,
Madilim sa loob ng van, isang ilaw lang ang binuksan para hindi sila tanaw mula sa labas. Isa-isang sumakay ang mga myembro. Hindi na namalayan ni Marra kung saan nakapwesto ang mga ito pati na ang kapatid niya. Tiningnan niya ang sarili
