CHAPTER 9
SABADO NANG umaga ay walang lakad ang grupo. Buti na lang din dahil medyo sumasakit ang ulo ni Marra mula nang siya ay magising. Kagabi kasi ay anong oras na siya natulog. Sinisimulan niya na kasing matutong pag-aralan ang Hangul. Sabi kasi ng kapatid niya ay mas mapapadali ang pamumuhay niya rito sa Korea kung matututo siya no'n.
Lumabas si Marra sa kwarto nila ni Harra dala ang isang ballpen at notebook na palagi niyang dala kahita saan. Magpapahingin muna siya sandali sa rooftop. Hindi niya kailangan ng gamot dahil mas magiging maayos ang pakiramdam niya oras na makasinghot siya ng sariwang hangin.
Napangiti siya nang makitang hindi masyadong mainit sa rooftop. Hindi ganoon kasakit sa balat ang sikat ng araw kahit alas nueve na nang umaga. Kung nasa Pilipinas sigu
