Austeja
"Eat, hon," utos ni Zigger na nakaupo sa tabi ko.
Hindi rin ako kumilos upang galawin ang pagkaing nasa plato sa harapan ko.
Hindi ko pa talaga maramdaman ang gutom sa mga sandaling ito kahit na oras na ng hapunan, at kahit na mukhang masasarap ang mga in-order niyang pagkain para sa aming dalawa. At bukod pa roon, masyadong marami. Siguradong hindi naman namin mauubos ang mga ito.
"Bakit hindi ka pumayag sa VIP room?" Pang-uusisa ko. "Gusto mong ipangalandakan ang presensiya mo rito?"
Puwede ko siyang mapikon doon sa tanong kong iyon subalit hindi ko maintindihan kung bakit hindi niya tinanggap ang vip room na inaalok sa kanya kanina, at pinili rito sa main dining area ng resto.
Ilang beses siyang tinanong ng isang staff pagpasok pa lamang namin. Pati ang manager ay nilapita
