CASSANDRA
"Hija, tumatawag na naman si Sir Tyron. Ano ba talagang problema? Bakit ayaw mong sagutin ang tawag niya?" pangungulit ni Inay Berna. Kanina pa silang dalawa ni Rena pabalik-balik sa kuwarto ko dahil panay ang tawag ni Tyron. Hindi ko kasi sinasagot ang tawag niya dahil nainis ako sa maghapon na pambubuntot ng mga hi-nired niyang bodyguards’ para mabantayan ang lahat ng kilos ko. Daig ko pa ang anak ng presidente.
"Inay, paano ba naman kasi dahil sa Tyron na yun unang araw ko pa lamang sa university ay pinag-uusapan na ako hindi lang ng mga classmates ko pati ng mga schoolmates ko." reklamo ko.
Napabalikwas ako ng bangon dahil kakatapos ko nga lang palang kumain.
"Anong plano mo? Paano kapag nagalit si Sir Tyron?" nag-aalalang tanong niya. Tumunog ulit ang phone ko at tini
