“Akala ko ba walang alak? Eh bakit meron? Sabi mo bawal sa school pero bakit pinayagan?” Sunod-sunod na pagtatanong ni Dominic kay Angelo na ngayon ay akay-akay niya. Nakaakbay si Angelo sa balikat niya habang niyayakap naman niya ito patagilid. Naglalakad na sila palabas ng school. Kakatapos lang ng birthday celebration na naganap sa may gymnasium na dinaluhan ng mga ka-teammate ni Angelo at ng coach nila. Halata sa mga ka-team nito ang pagkaayaw sa kanya at alam naman niya ang dahilan ngunit dahil kasama siya ni Angelo ay wala rin namang nagawa ang mga ito kundi ang pakisamahan siya. Naging masaya naman ang party para sa kanila ngunit para kay Dominic, naging masaya lang naman siya dahil kasama niya si Angelo. “Tignan mo ngayon at lasing na lasing ka,” panenermon niya pa kay Angelo. Para
