Nasa loob ng kwarto sila Angelo at Dominic. Ngiting-ngiti ang labi ni Angelo habang nilalagay at inaayos ng patong sa gitna ng pahabang mesa ang picture frame na may picture ng drawing. Katabi nito ang ilan sa mga trophys na meron ito na natanggap mula sa paglalaro ng basketball. Ito ‘yung regalo sa kanya ni Dominic na nakatingin naman sa kanya habang nakaupo sa recliner.
“Tuwang-tuwa ka talaga sa regalo ko, ‘no?” tanong ni Dominic kay Angelo na lumingon naman sa kanya. Ningitian siya nito.
“Oo naman! Gustong-gusto ko kaya itong regalo mo,” masayang sagot ni Angelo. “Isa pa, galing kaya ito sayo. Kaya nga sobrang pagpapahalaga at pag-iingat ang gagawin ko para hindi masira ‘to,” aniya pa at iniwas ang pagtingin kay Dominic saka bumalik sa ginagawang pag-aayos. Sinisigurado nito na hindi
