Simula na ng Christmas break kaya naman ang magkaibigang sila Dominic at Angelo, handang-handa na para sa nasabing bakasyon.
“Mag-ingat kayo doon. ‘Yung mga bilin ko Angelo lagi mong tandaan,” bilin ni Tita Trish. Nasa loob ngayon ng condo unit ang tatlo. Si Dominic ang pumunta sa condo unit dahil pinapunta rin siya ni Angelo at isa pa, ito ang sasagot sa pamasahe nila papunta sa kung saan.
Ningitian ni Angelo ang Tita niya. “Opo, Tita,” sagot niya.
“Tita, alam niyo po ba kung saan kami pupunta ni Angelo? Hindi po kasi niya sinasabi sa akin kung saan,” pagsabat naman ni Dominic. Umayos ito sa pag-upo sa mahabang sofa.
Imbes na sumagot ay ningitian lang ni Tita Trish si Dominic.
‘Mukhang kasabwat ni Angelo ang Tita niya. Ayaw rin magsabi. Hays!’ sa isip-isip ni Dominic. ‘Siguradong may
