Narito sa rooftop sila Dominic at Angelo. Magkaharap silang nakaupo ng pa-indian sit. Nagtatatakang nakatingin ang huli sa una.
“Bakit ganyan ang mukha mo, Dominic?” nagtatakang tanong ni Angelo.
Kumunot ang noo at nagsalubong naman ang kilay ni Dominic. “Ha? Anong meron sa mukha ko?” balik-tanong niya kay Angelo.
“Mukha kasing balisa ka diyan. Bakit ba? May problema?” magkakasunod na tanong pa ni Angelo.
Nagbaba naman nang tingin si Dominic. Huminga siya ng malalim.
“Inaalala ko lang kasi ‘yung naging pagsusulit natin kanina. Pakiramdam ko kasi may mga mali akong nasagot na magiging dahilan ng pagbagsak ko,” nag-aalalang litanya ni Dominic. “Hindi kasi ako nakapag-review ng mabuti,” pag-amin niya saka muling huminga nang malalim. Grade conscious si Dominic dahil scholar siya. Dapat n
