“Ito, oh. Regalo ko sayo,” wika ni Angelo sabay abot kay Dominic ng isang maliit na pahirabang kahon na nakabalot sa gift wrapping paper na kulay pula. Nasa veranda sila ngayon ng mansyon at magkaharap na nakatayo.
Tiningnan ni Dominic ang inaabot sa kanya ni Angelo. “Regalo mo para sa akin?” pagtatanong niya pa.
Tumango-tango naman si Angelo saka ngumiti. “Sabi ko naman sa’yo na may regalo ako sayo,” aniya.
Tiningnan ulit ni Dominic si Angelo. “Pero Angelo, wala pa akong maibibigay sayo-”
“Tanggapin mo na,” mabilis na saad ni Angelo na pumutol sa sinasabi ni Dominic. Muli niyang inabot ang binibigay niyang regalo sa kaibigan.
Napahinga naman ng malalim si Dominic. Tiningnan niya ulit ang inaabot sa kanya. Ngumiti siya ng maliit saka tinanggap na ang regalong ibinibigay nito sa kanya
