Nagulantang at nagising ang buong sistema ni Dominic sa sumunod na nangyari. Hindi niya inaasahan na gagawin ito ni Angelo sa kanya.
Nanlalaki ang kanyang mga mata dahil sa gulat. Nakahawak sa magkabilang gilid ng kanyang mukha ang dalawang kamay ni Angelo at… nakadampi ang labi nito sa kanyang sariling labi.
Tila tumatalon ng walang humpay ang puso niya sa sobrang kaba. Mistulang nagwawala na ang kanyang puso na tila gusto nang kumawala sa kinalalagyan nito. Dampi pa lamang ang nagagawa ng labi sa kanya ni Angelo pero grabe na ang epekto nito sa kanya. Sa imahinasyon pa nga niya, sunod-sunod ang pagsabog ng makukulay na fireworks sa madilim na kalangitan.
Matagal. Tumagal ng ilang minuto ang pagkakadampi ng labi ni Angelo sa labi ni Dominic. Walang gumagalaw sa dalawa. Magkatitigan pa
