Masyadong abala ang lahat ng tao sa mansyon. Ang mga katulong ay tulong-tulong na naghahanda ng mga pagkain sa kusina samantalang ang mga iba pang trabahador ng mansyon ay abala namang inaayos ang mga regalo na nilalagay nila sa ilalim ng malaking Christmas tree na matatagpuan sa may living room, sa tabi ng malaking bintana.
Bisperas na ng pasko at mamayang gabi ay Noche Buena na. Usually ay hindi naman sila naghahanda ng engrande. Naghahanda lamang sila ng kaunti para sa ganitong selebrasyon, ‘yung sapat lang para sa lahat ng nagtatrabaho sa mansyon at ganoon din kapag bagong taon pero dahil nandito ang kanilang Senorito Angelo kasama si Dominic hanggang bagong taon ay talagang magiging malalaking handaan ang magaganap. Minsan lang nandito ang kanilang senorito dahil sa syudad na nakatir
