Nasa loob na ng mansyon sila Angelo at Dominic. Kababalik lamang nila dito mula sa pamamasyal. Marami pa silang oras at araw na mamamalagi dito sa Bicol kaya naman napagpasyahan nila na sa ibang mga araw na lamang nila pupuntahan ang iba pang mga pwedeng pasyalan sa probinsya. Kailangan rin nilang magpahinga dahil kahit magaganda man ang mga lugar na napupuntahan nila at talaga namang nakakamangha, napapagod rin ang kanilang mga katawan.
Nasa kwarto na niya si Dominic. Ito ang magiging kwarto niya habang nandito sa mansyon nila Angelo. Nakahiga siya sa malambot na kama habang ang mga mata ay nakatitig sa kisame. Nakatulala siya.
Hanggang ngayon ay tumatakbo sa isipan ni Dominic ang mga nangyari sa unang pasada ng pamamasyal nila ni Angelo. Aminado siyang naging masaya at nag-enjoy sa mga
