“Sigurado ka bang hindi delikado rito?” may pag-aalalang tanong ni Dominic kay Angelo. Ngayon ay nasa Quitinday Hills and Nature Park sila at sabay na naglalakad sa malubak-lubak na daan. Medyo nawawalan ng balanse si Dominic dahil na rin sa medyo mahina siya pagdating sa pagbalanse ng katawan. Iniwan muna nila ang motor ng huli sa designated parking na meron sa lugar na ito.
“Ibalanse mo kasing mabuti ang katawan mo para hindi ka mahirapang maglakad saka matumba,” ani ni Angelo na nangingiti ang labi. Gustong-gusto nito na naglalakad rito dahil sa pinakataas at sa dulo ay may makikitang magandang tanawin.
Napabuga na lamang ng hininga si Dominic at sinunod ang sinabi ni Angelo. Patuloy silang naglakad. Pansin nila ang maraming coconut trees na nakakalat sa buong lugar at medyo hinahangi
