Nasa loob ng kwarto ni Angelo si Dominic. Nakaupo ang una sa may couch habang si Dominic naman ay sa edge ng kama. Nagkakatinginan sila at parehas na nangingiti ang labi.
“Ang sarap pala sa pakiramdam na tanggap na tayo ni Tita. Wala na tayong dapat alalahanin pa,” nangingiting sabi ni Angelo. Masaya siya na sa wakas, nasabi na nila sa kanyang pinakamamahal na Tita ang totoo at wala na silang nililihim pa rito. Mabuti na lamang at tama siya, hindi siya nagkamali na magsabi kaagad sa kanya.
Tumango-tango naman si Dominic. “Next naman nating alalahanin ang sasabihin ng ibang mga taong nakapaligid sa atin. Lalo na sa school,” wika niya. Napahinga siya ng malalim. “Ano kayang magiging reaksyon nila sa oras na malaman nila ang sa ating dalawa? Ano-ano kayang mga salita ang sasabihin nila?” ta
