Nasa loob ng isang sikat na fast food chain sila Dominic at Angelo. Nakahain na sa kanilang mesa ang mga pagkaing in-order at binili nila kanina sa counter. Nasa bandang dulo ang pwesto nila. Pandalawahan lamang ang mesang inokupa nila kaya kahit maraming tao ngayon sa loob ng fast food chain ay hindi sila makakapag-share ng table sa iba.
“Halika na at kumain na tayo,” alok ni Angelo kay Dominic nang hindi ito tinitingnan. Suot pa rin nila ang couple shirt na nabili kanina. Seryoso ang mukha niya na kanina pa napapansin ni Dominic. Napahinga siya ng malalim.
“I’m sorry,” mahinang sambit ni Dominic pero sapat na para marinig iyon ni Angelo.
Tiningnan ni Angelo si Dominic. Kumunot ang kanyang noo. “Bakit ka nagso-sorry?” tanong niya kay Dominic.
Ngumiti nang pilit si Dominic. “Sorry kung
