Patingin-tingin si Angelo kay Dominic habang sila’y mabagal na naglalakad patungo sa parking space ng kanilang school. Bakas sa kanya ang pagtataka at pag-aalala dahil kanina pa tahimik ang nobyo at isang tanong, isang sagot lang ito kung kausapin siya. Mabagal maglakad si Dominic kaya naman sinasabayan niya ito sa ganoong bilis.
Nakatingin lamang si Dominic sa harapan. Wala siyang imik at tila wala siyang kasama. Bakas rin sa kanyang mukha na balisa siya.
Huminga nang malalim si Angelo. Umiling-iling din siya. “Hindi na ito pwede,” bulong niya.
Pamaya-maya ay biglang pumunta si Angelo sa harapan ni Dominic saka tumayo ng tuwid doon. Muntikan namang mabangga sa kanya si Dominic na napahinto naman sa paglalakad nang makita siya.
“Angelo,” bulong na pagbanggit ni Dominic sa pangalan ng n
