Lumipas ang mga araw. Naging mas masaya pa ang bawat araw na nagdaan sa mga buhay nila Dominic at Angelo. Mas lalo silang nahuhulog sa isa’t-isa at sa tuwing magkasama sila sa school man o galaan, nagiging magaan lang ang lahat para sa kanila.
Hanggang ngayon ay wala pang nakakaalam sa kanilang relasyon liban lang sa Tita Trish ni Angelo. Magaling rin kasi silang magtago ng totoo. Nasasanay na nga silang dalawa na hindi ipakita muna sa iba ang meron sa kanilang dalawa pero kapag sila lamang ang magkasama, halos kasing tamis ng leche flan ang turingan nilang dalawa sa isa’t-isa.
“Angelo, gift ko para sayo,” wika ni Dominic saka niya inabot kay Angelo ang isang parihabang kahon na nakabalot sa pulang gift wrapping paper. Nasa rooftop silang dalawa. “Happy first monthsary,” nangingiting pag
