Mag-isang naglalakad si Dominic sa hallway ng eskwelahan. Papunta siya sa room ng una niyang klase. Bumabakas ang pagtataka sa kanyang mukha dahil sa bawat nadadaanan niyang estudyante ay nakatingin sa kanya na parang nangungutya at nasusuya. ‘Yung iba, pagkatapos siyang tignan ay biglang bubulong sa kasama nito na hindi naman niya naririnig kung ano ang sinasabi.
Sanay na si Dominic sa ganito pero lately, hindi na ganito sa kanya ang mga kapwa estudyante sa eskwelahang ito kaya naman ngayon ay naninibago na naman siya kung bakit tila nag-iba na naman ang ihip ng hangin. Napahinga na lamang siya ng malalim.
‘Ako kaya ang pinag-uusapan nila?’ nagtatakang tanong ni Dominic sa kanyang isipan kahit na obvious naman siya. Ewan niya, wala siyang alam at may parte sa kanya na gusto niyang alami
