Hindi maalis sa isipan ni Dominic kung sino nga ba talaga ang nagpapakalat ngayon na may karelasyon siya. Wala siyang ibang maisip na tao kung sino.
Nakumpirma na ni Dominic na siya nga ang pinag-uusapan ng lahat. Minsan din kasi niyang narinig mula sa usapan ng mga kamag-aral niya ang pangalan niya at ang pagkakaroon niya ng kasintahan.
Ewan ba ni Dominic kung bakit tila naging big deal sa lahat ang pagkakaroon niya ng karelasyon. ‘Bakit? Wala ba akong karapatang magkaroon ng buhay pag-ibig? Wala ba akong karapatang magmahal at mahalin ng iba? Sila lang ba ang anak ng Diyos?’ minsang sinambit niyang tanong sa kanyang isipan.
Sa totoo lang, puro masasakit at panghuhusgang salita ang naririnig ni Dominic ngayon mula sa ibang tao. Ayaw man niyang bigyan pa ng pansin ngunit aminado siyang
