Mag-isang nakaupo sa pandalawahang mesa na nasa loob, bandang dulo ng cafeteria si Dominic. Kasalukuyang breaktime niya ngayon.
Hindi pa nagagalaw ni Dominic ang nabili niyang sandwich at juice na siya niyang binili at kakainin ngayong lunch. Nakayuko lamang ito habang nakatitig sa pagkain.
Halata sa mukha ni Dominic ang pagod at antok lalo na at gabing-gabi na naman siya nakatulog kagabi. Nag-overtime siya sa trabaho kaya siya napuyat. Mistulang wala siyang ganang gumalaw ngayong araw. Hindi sana niyang papasok muna ngayon ngunit hindi naman pwede dahil pinapangalagaan niya ang kanyang attendance. Kung hindi siya papasok, malamang ay makaapekto iyon sa grades niya. Kailangan pa naman niyang mapanatili ang kanyang mataas na marka para hindi maalis ang pagiging scholar niya. Mahalaga sa k
