Lihim na nakatingin at nanunuod si Dominic kay Angelo na abala ngayong naglalaro sa basketball court. Kinukubli niya ang kanyang sarili sa may gate ng malaking basketball gym. Lingid sa kaalaman ng huli, sinundan siya ng una at ito, lihim itong nanunuod sa kanyang paglalaro.
Napapangiti ang labi ni Dominic sa tuwing makikitang nakaka-shoot ng bola si Angelo sa ring. Hindi maikakaila ang galing at husay ng binata sa paglalaro. Ilang beses na niya itong napanuod ng lihim at hindi siya magsasawang panuorin ito.
Ewan ba ni Dominic, pwede naman siyang pumasok sa basketball gym at manuod roon ngunit mas pinipili niyang hindi ito malaman ng iba, lalo na ni Angelo. Nakakaramdam din siya ng hiya saka baka magtaka pa ang iba kung bakit siya nanunuod ng basketball gayong sa pagkakaalam ng marami, h
