Sa loob ng ilang araw naming pananatili sa Sky Line Resort ay panandalian kong nakalimutan ang mga naiwan namin sa siyudad.
Nagsilbing paraiso para sa'kin ang buong lugar dahil dito ay hinayaan kong lumaya ang damdamin ko para kay Dominique. Sa dalawang araw na lumipas matapos siyang nagtapat ng pagmamahal sa'kin ay naging panatag ang puso at isipan ko.
Hindi ko pa man nagawang sabihin iyong damdamin ko para sa kanya ay pinaparamdam ko naman ito.
Hindi rin naman niya ako inobligang suklian ang pag-ibig niya. Ang mahalaga raw ay mahal niya ako at naipaalam na niya iyon sa'kin.
Sapat na raw iyong pagmamahal na meron siya para pagtibayin itong relasyon na meron kami.
Pinagsawa ko ang sarili sa pag-aalaga at atensiyong binigay niya sa'kin habang para kaming nasa honeymoon stage.
Muntik
