Nakauwi ako sa bahay nina Dominique at Ate Sylene sakay sa sasakyang nag-aabang na sa'kin sa private airport pagkalapag ng pagmamay-ari kong private plane. Iyong nagbigay na lang nito sa'kin ang hindi ko buong pag-aari dahil mayroon akong kahati. Kaya siguro ako niregalohan ni Dominique ng private plane para sa mga ganitong sitwasyon... magagamit pala ito sa pagkatakas 'pag biglang darating iyong asawa niya.
Sa mismong harapan ng gate ako inihatid ng sumundong sasakyan sa'kin at hinintay pa talaga akong makapasok sa loob bago ito tuluyang umalis.
Kilala na ako ng mga guard kaya mabilis din agad akong pinagbuksan. Masama pa ang loob ko dahil sa biglang pagkaputol ng bakasyon namin ni Dominique kaya nang maratnan ko si Rocco pagkapasok na pagkapasok ko ng bahay ay agad akong napasimangot.
