MIKAELA MICHEL
"KAYONG MGA bata kayo bakit naman nagawa niyo pang makipagbasag ulo. Nakikidagdag kayo sa problema."
"Mommy may nantrip lang sa amin kaya lumaban kami."
"Hay naku, Gregorio kausapin mo ang mga anak mo bago pa ako tuluyang atakihin ng high blood dahil sa kumsimisyon sa mga 'yan."
Nagising ako dahil sa ingay ng mga pamilyar na boses. Dahan dahan akong nagmulat, puting ceiling ang sumalubong sa aking paningin.
Inilibot ko ang tingin sa lugar na kinaroroonan ko. Hospital? Bakit ako nandito? Unti unti kong naalala ang nangyari bago ako nawalan ng malay.
"M-Mommy," tawag ko. Nakayuko siya habang mahigpit na hawak ang kamay ko, nasa tabi ito ng hospital bed na kinahihigaan ko.
"Anak?" Tumulo ang mga luha niya. Nabalot ng tuwa nang makita akong gising. Agad niya akong niyakap
