BUMALONG ang masaganang luha buhat sa kanyang mga mata kasabay ng pag-pikit nito. Nakatagilid siya patalikod sa lalaki kaya malaya siyang umiyak, hindi dahil nasasaktan siya sa ginagawa nito kundi sa katotohanang mahal niya na ito. Batid niyang kapag nalaman nito ang kanyang pakay ay siguradong abot hanggang langit ang galit nito sa kanya.
Dahil sa hapo at pagod ay hindi niya namalayang hinila na siya ng antok. Maging ang pagbangon ng lalaki sa tabi niya ay hindi na niya namalayan pa. Naramdaman ni Kevin ang paglalim ng tulog ng babaeng katabi kasunod ang ilang sinok nito katunayang umiyak ito.
Lumakad siya papunta sa side kung saan naroon ang babae. Naupo siya sa gilid ng kama kung saan malaya siyang natutunghayan ang maaamo nitong mukha. Bakas pa rito a
