Nang ganap na marating ni Surene ang unit na tinutuluyan ay hindi siya mapakali. Nilibot ang kabuuhan niyon saka unti-unting lumamlam ang mga mata. Kailangan niyang gawin iyon para sa kanyang magiging anak. Ayaw niyang madamay ito sa gulong pinasok niya.
Isa lang ang naiisip niya. Ang paligayahin si Kevin sa huling gabi niya sa unit nito. Mabilis na naghanap ng papel at ballpen. Nagtungo siya sa kabilang kuwarto at tiyak mayroon doon ang hinahanap. Hindi nga siya nagkamali.
Papihit na siya upang umupo sa harap ng mesa nang makita ang isang white folder sa isang kalapit na drawer. Hindi niya alam kung bakit tila may magnetong humihila sa kanya upang kunin ito. Nanginginig ang mga kamay na kinuha ito at inusisa. Nanlaki ang mga mata nang makitang ito nga ang k
