Candice's POV
Mahigit isang linggo na mula ng mahanap namin ang mga magulang ni Frank at ngayon ay nakakabawi na kahit papaano ang kanilang katawan, lagi din silang ipinagluluto ni mommy ng masusustansiyang pagkain katulad ng tinolang manok, mga gulay at dinadalan din namin sila ng mga prutas.
"Candice dalhin mo nga ito sa Tita Victoria mo." wika ng aking ina habang tinatakpan ang tupperware na may lamang ginataang bilo-bilo.
"Naku mommy magugustuhan ni tita 'yan paborito n'ya kasi 'yan hindi ba?" masaya kong ani sa aking ina na nakangiti naman.
"Oo anak kaya nga niluto ko 'yang meryenda para makakain siyang muli ng kaniyang paborito." wika naman ng aking ina kaya agad kong kinuha ang tupperware at mabilis akong pumunta sa bahay nila Frank.
Nakasalubong ko si Frank na may dalang mga
