Candice's POV
"Bakit ka umiiyak?" Wika ni Amber ng abutan nya ako sa aking silid na umiiyak na para bang naagawan ng kendi.
"Ginulat mo naman ako! Bakit ba bigla ka na lang sumusulpot dyan ha?" ani ko sa kanya habang pinupunasan ko ang aking mga luha.
"Bakit ka nga ba kasi umiiyak? Alam mo bang kanina pa ako kumakatok dito sa kwarto mo pero hindi mo ako naririnig dahil ngumangalngal ka na parang batang nawawala sa mall." mapang-inis n'yang ani sa akin na sa halip mag-alala ay tila ba inaasar pa ako. Hindi kaya niya nakikita na sobra akong nasasaktan dahil sa mga nangyayari sa akin?
Iniabot ko sa kaniya ang aking phone at pinakita sa kaniya ang binabasa kong world news. Napataas naman ang isa niyang kilay at tumingin muli sa akin at namaywang pa siya sa harapan ko na akala mo walang pa
