"BAKA nananaginip na naman ako. Baka nasa isang magical world ako kaya nakalilipad si Agwena. Kung nagawa niya, posibleng kaya ko rin," nahihiwagaang kausap ni Noah sa sarili habang tinatanaw si Agwena na parang papel na lumulutang sa hangin. Nasa bisig pa rin nito ang sanggol na noon ay tahimik na.
Sa kagustuhan na masundan ang babae ay sinubukan ni Noah na iangat sa lupa ang mga paa at nag-arms sideward. Pumikit siya at pilit na nag-concentrate. Umaasa siya na sa pamamagitan niyon ay makalilipad din siya sa ere.
Ngunit lumipas ang maraming sandali na walang nangyari sa inaasahan ni Noah. Napagod lang siya hanggang sa bumagsak siya sa lupa at nabagok na naman ang ulo niya. Bumalik na lang ang kamalayan niya sa naririnig niyang tila mga kalansing ng kung anong matatalas na bagay.
Daha
