"Cauto so lucide bi! Nu mia evam bi noveie de el!"
Napahinto sa pagbaba ng hagdan si Michelle nang may marinig na naman siyang boses na hindi niya alam kung kanino. Ni hindi niya alam kung ano ang ibig sabihin ng mga sinabi nito. All she knew and she was sure, she just had that voice in her mind.
At hindi na iyon bago kay Michelle. Limang taon na siyang nakakarinig ng kung ano-anong boses sa isip niya. Iba't ibang karakter pa. Minsan may mabait. Pero madalas ay galit at nakakatakot. Hindi niya literal na naiintindihan ang lengguwahe ng mga ito kundi sa tono nang pananalita.
Bukod sa mga boses na naririnig ay may napapanaginipan din si Michelle na kakaiba. Mga tao na hindi naman niya kilala. Mga bagay na alam niyang walang kinalaman sa kaniya pero naaapektuhan ang puso niya. Na para ban
