Natigilan naman sila sa pag-uusap nang mag-ring ang phone ko na nakapatong sa lamesa sa gilid ng aking food tray.
Number lang ang tumatawag pero agad ko rin namang dinampot at sinagot at baka importante.
"Hello, sino po it—"
"Where are you?"
Ang malagong na boses ni Mr Demir ang narinig ko mula sa kabilang linya. Nataranta ako bigla baka hindi pa dumarating ang pagkain niya kaya siya napatawag!
"Nasa cafeteria Sir, nag-la-lunch po. Wala pa po ba ang lunch niyo riyan? Kanina ko pa po kayo ini-orde—"
"My lunch is already here, pero bakit delivery man ang nagpasok dito sa opisina ko? Ikaw ang dapat magdala hindi ang kung sino," bakas ang iritasyon sa boses niya at hindi niya ako pinatatapos sa pagsasalita.
Dumako naman ang tingin ko sa limang kasama ko rito sa lamesa. Kaunti na lang ay
