Balak ko na sana magpahinga na matapos naming maghapunan ang kaso ay maalala ko na kailangan ko pa nga pala i-repair ang mga palda ko dahil gusto ng boss, ubod ng iksi.
"Hindi ka pa magpapahinga, Amanda? Maaga ka pa bukas," si Inay na naabutan akong nasa salas habang nagaayos ako ng susuotin kong uniporme.
"Mauna na kayong magpahinga, mamaya na po ako, puputulan at tatahiin ko pa ito," saad ko at tukoy ko rin sa aking hawak na palda pang-trabaho.
Nangunot ang noo niya. "Bakit puputulan mo pa? Tama na nga ang haba niyan? Masiyado nang maiksi kapag pinutulan mo."
"Ih." Napakamot ako sa ulo. "Required po na dapat maiksi." Paano ko ba sasabihing boss ko mismo ang may sabing iksian ko pa?
"Siguradong masisilipan ka na niyan. Ngayon lang ako nakakita ng ganiyang kumpanya na required dapat s
