Kahit madilim pa lang sa labas maaga na akong lalarga. "Inay, pasok na po ako. H'wag niyong kalilinutan na inumin ang gamot niyo, uminom kayo sa tamang oras," paalam ko na na may pagbibilin din at ginawaran ko siya ng halik noo.
"Mag-iingat ka, 'nak, oo nasa tamang oras naman ang pag-inom ko at sayang naman ang pinambili," tugon niya at tumango.
Ngumiti ako. "Magpagaling kayo, mas sisipagin ako sa araw-araw kung makikita ko ang unti-unti niyo nang paggaling."
Tinapik-tapik niya ang aking braso. "Oo, ako'y gagaling at ayaw ko naman maging pabigat sa iyo habang buhay at ayaw ko rin na sa akin na lahat mapupunta halos ng sahod mo, sa mga gamot ko."
"H'wag nga kayo nagsalita ng ganiyan, hangad ko ang kagalingan niyo, baliwala ang pera kung hindi naman kayo gagaling. Kaya nga po ako nagtatr
