Isabel
Nang makarating ako sa ikatlong palapag ng gusali, nakita ko kaagad ang security team na naka-abang sa labas ng elevator.
Mukhang napakahalaga talaga ang nasa loob ng flash drive. Natitiyak akong hindi ko madaling makukuha iyon kung bantay-sarado na ang lugar.
Gayunpaman, humakbang na ako palabas sa elevator.
Tumungo ako kaagad sa opisina ko. Pero huminto rin ako dahil nakaramdam ako ng bigat sa kalooban ko.
Tinapik ni Ma'am Amanda ang balikat ko.
"Are you okay?"
Bumaling ako sa kanya at tumango. Pero ang totoo'y, bumibigat lalo ang kalooban ko ngayon.
Sumikip ang dibdib ko ng tuluyan na akong makapasok sa opisina ko.
Ewan ko ba, ngayong, narito na ako sa silong ng aking tagumpay, hindi ko maiwasang balikan ang mga alaala ng aking paglalakbay patungo rito. Mga hirap at pa
