Isabel
Kinukusot-kusot ko pa ang mga mata ko nang bumaba ako sa kama at pinagbuksan ng pinto si Jea.
"Jea, ang aga-aga."
"Maayos na ang paa ko, at ang paa ni Javier. Kaya tara na."kaagad na saad ni Jea.
Binaba ko ang kamay at tinignan si Jea.
"Hindi pa ako nakakapaghilamos-"
"Kaya nga nadito ako para sabihin sa iyo na maghanda ka na."
Humikab ako kaya nag-isang linya ang labi ni Jea.
"Nag-away na naman kayo siguro ni Javier. Alas-sais pa lang, nambulabog ka na-"
May binigay siya sa akin na dyaryo. Kinuha ko naman ito at binasa ang nakalagay dito.
Umawang ang labi ko sa gulat.
"Paano nila nagawa ito? Ang bilis naman."
Nasisindak parin ako nang makita ko ang larawan ng pinapatayong gusali ng mga Insensato sa lupain ng mga magsasaka dito sa lugar na ito.
"Hindi mo na mabubuksan
