BUONG pagmamahal niyang isinuklay ang kanyang mga daliri sa basang buhok ni Vincent. Hindi niya maipaliwanag pero kahit pa sabihing basa ang balat ng binata dahil galing nga ito sa shower ay walang kahit anong pagkaginaw siyang nararamdaman. Sa halip ay ang mismong kabaligtaran niyon ang nangyayari sa kanya.
Marahil dahil iyon ang unang beses n nagkaroon siya ng pagkakataon para mapagmasdan ang magandang pangangatawan ni Vincent. Huwag pang isama ang katotohanan na tanging tuwalya lang ang nagsisilbing tabing ng kahubaran nito.
“V-Vince, kailangan ko nang maglaba,” aniya habang hinahabol ang kanyang paghinga nang bumaba ang maiinit na halik ni Vincent sa kanyang leeg. “Please? Mapapagalitan ako kay Tita Aida kapag hindi ko natapos ng maaga ang mga labahin ko.”
Noon naman siya sandaling
