"KANINA pa kita gustong tanungin, Isla. Anong nangyari sa braso mo?” si April iyon.
Nasa library sila noon at kasalukuyang ginugugol ang kanilang long break para magbasa bago ang kanilang susunod na period.
Mula sa pagiging busy sa binabasa niyang libro ay nag-angat ng kanyang ulo si Isla saka tinagpo ang paningin ng matalik niyang kaibigan.
“Ah, si Tanya. Kung alam mo ang ibig kong sabihin?” aniyang tumawa pa ng mahina saka nagkibit ng kanyang balikat.
Nakita niyang nagpalitan ng makakahulugang tingin sina April at Renz.
“Hey, ano ba naman kayong dalawa. It’s just a simple scratch. Saka tapos na iyon kaya pabayaan na ninyo,” aniyang ngumiti pa sa dalawa ng may katiyakan.
Noon galit na nagsalita si Renz. “Sabihin mo lang sa akin at ako na mismo ang magtuturo sa babaeng iyan ng leks
