“Ma’am, pinapasundo po kayo ni Sir.” Ani ng tauhan ni Mr. Asher kaya naudlot ang akma kong pag-akyat sa hagdan. Kararating ko lang galing school at hindi pa ako nakakapag pahinga. Isang marahas na buntong hininga ang pinakawalan ko bago inabot sa katulong ang aking bag pati ang mga libro na kipkip ko sa tapat ng aking dibdib. Napilitan akong sumunod sa likuran ng driver ni Mr. Asher at hindi na nagtanong pa kung saan kami pupunta.
Pagkatapos ng labinlimang minuto ay humimpil ang sinasakyan kong kotse sa tapat ng isang mamahaling restaurant. Nag-alangan akong pumasok sa loob dahil hindi nababagay ang suot kong damit sa marangyang lugar na ito. Naka white, polo shirt lang ako at maong pants na may mantsa pa ng mga pintura dahil sa activity na ginawa namin sa school. Samantalang ang suot ng
