Chapter Sixty
"Ma, ang astig no'ng kapitan natin na si Kap Al, 'no?" kumakain na kaming tatlo. Mas abala si Top sa pag-asikaso sa bata. Naghahapunan na kami at itong anak ko ay nagpapakitang gilas sa pagkain.
Ang sarap daw ng tinolang libre.
"Bakit na naman astig?" tanong ko rito. Ano na naman kaya ang nakita nito.
"Namimigay kasi siya ng bigas, mama. Ang bait ni Kap Al." Bilib na bilib ang loko.
"Anak, iyong pinapamigay ni Kap Al na bigas ay galing sa tax ng bayan iyon. Hindi iyon galing sa bulsa n'ya, ha." Paliwanag ni Top.
"Talaga naman, papa. Ang astig naman ng bulsa ni Kap Al kung may mahuhugot na bigas doon." Pilosopong bata. Pareho kaming nailing ni Top.
"Ibig sabihin ng papa mo, si Kap Al lang iyong nag-aabot sa taong bayan. Pero mula sa government ang tulong na pabiga
