"Magpahinga ka na." Pukaw ni Atlas sa lumilipad kong isipan. Naiayos na rin nito ang loob ng tent pero ako ito, nakaupo sa sapin na inilatag lang nito. Tapos na kaming kumain kanina pa at sa tingin ko'y 11 pm na. Dapat ay nagpapahinga na kami.
Pero ito ako, ninanamnam ang malamig na simoy ng hanging. Umupo ito sa tabi ko ng hindi ako sumunod sa pagtawag nito.
Agad ko namang ipinatong ang ulo ko sa balikat nito.
"Anong iniisip mo?" iyon ang naging tanong nito sa akin.
"Iniisip ko? Marami."
"Tulad ng?"
"Kapag ba bumalik ako sa amin ay gano'n pa rin ba ang pakikitungo ng family ko sa akin? Palagi pa rin kaya akong maiitsapwera? Second option pa rin kaya ako?"
"Bakit nga ba gano'n ang pakitutungo sa 'yo?"
"Hindi ko alam kung bakit. Lalo na si Mama. Ako iyong kailangan mag-excel, ak
