Naitayo ko na ang tent. Habang si Tabitha ay abala pa rin sa paglublob ng paa n'ya sa tubig. Madilim na, ang liwanag na lang na mayroon kami ay mula sa emergency light at sa bonfire.
"Ang lamig." Panay ang hagikgik nito. Ang lugar na ito ay sakop pa rin ng lupaing pag-aari ko. Walang idea si Tabitha, kaya hinayaan ko na lang ding isipin nito na pampubliko ang lugar na ito. Pagkatapos ko sa tent ay nagsimula na akong mag-ihaw ng isda. Nagsaing na ako bago pa ako kumilos. Kompleto naman ang dala-dala namin. Kinailangan pa ngang magpalit ng sasakyan dahil mahirap dalhin ang mga iyon.
Ako lang ang kumilos. Ang focus ng atensyon ng dalaga ay nasa tubig lang. Napaangat pa ako nang tingin nang tumayo ito at excited na naghubad.
"Malamig na." Mabilis kong paalala rito pero hindi ako nito pinans
