Chapter 16
Shany
Gutom na ang mga alaga kong pato. Kinuha ko sila sa batya at dinala sa loob. Ipinatong ko sila sa lamesa at kumuha ako ng bowl na malinis na hindi naman ginagamit ni Lorenzo, kundi nakatago lang sa cabinet. Nagtimpla ako ng gatas saka inilagay ko roon sa bowl.
“Ito na ang gatas ninyo. Kawawa naman kayo at wala na kayong mga magulang. Ako na lang ang mag-aalaga sa inyo.” Kinakausap ko ang mga baby na pato.
Hinayaan ko sila na kumain sa lamesa. Kumuha naman ako ng Ham sa fridge upang prituhin. Ipaulam ko iyon kay Bantay. May natira pa naman akong kanina kaninang tanghali, kaya iyon na ang ipapakain ko sa aso.
Natutuwa ako na pinagmamasdan ang dalawang pato na umiinom ng gatas. Namomoroblema pa naman ako kanina kung paano sila padedehin. Lalo na at mukhang hindi magkasy
