Chapter 43
SHANY
Agad akong nagtungo sa aking silid at tiningan si Piglets, subalit wala roon ang alaga ko. Umiiyak na talaga ako habang tinatawag siya.
Marahil sa dami ng nangyari kanina hindi ko man lang inisip na tanungin si Ate Divina. Isa pa hindi ko rin siya nakita. Naniwala talaga ako sa sinabi ni Daddy na kinatay nila ang baboy ko. Nakadapa ako sa kama habang naghihinagpis at umaatungal sa iyak dahil sa inakala kong pinatay nila ang baby Piglets ko.
Kahit maraming bisita wala akong pakiaalam ayaw kong lumabas at makisalamuha sa kanila. Naiinis ako kina Daddy. Bakit kailangan nilang patayin ang baboy ko? Kalahating oras na siguro ako sa aking silid nang may kumatok. Hindi ako umiimik bagkos patuloy lang ako sa pag-iyak.
"Senyorita, bumaba na raw po kayo. Magsisimula na raw p
