"HOW was your training?" tanong niya sa anak nang makarating ito galing sa biyahe. Halata ang pagod sa mukha nito; sa kilay nitong nakasalubong at seryosong reaksiyon ng mukha na animo'y napakasungit.
"Good," walang ganang sagot nito. "I'm tired, Dad… and I'm full of dirt. Let me shower first."
"Sure, Son. I have something to tell you as well, go to my office after you take a shower."
"Okay," tipid na sabi ng anak niya at parang buryong-buryo na umakyat sa hagdan. Hindi na siya nagtaka pa, ganiyan naman palagi ang anak niya kapag galing sa training.
Nakakapagod din kasi ang pagda-drive ng motor lalo na't hindi lang basta-bastang kalsada ang dinadaanan nila kundi lupa at may mga pabundok-bundok pa para sa kanilang mga stunt.
Hindi siya nahilig sa pagmo-motor kaya naman nagtaka siya nan
