"Yehey!" sabay silang tumalon-talon ni Tyron.
"That's three na, Kuya!" masaya at malapad ang ngiti ng bunso na ipinakita pa ang tatlong daliri.
Pati ang nagbabantay ng booth ay napapalakpak at namangha.
Kumalabit muli sa gatilyo ang kaniyang anak matapos itong kumasa at muli siyang humanga nang bumagsak na naman ang tatlo.
Sabay na naman silang tumalon-talon ni Tyron sa tuwa. Pinilit na lamang ni Maureen na balewalain ang mga iniisip niya tungkol sa kaniyang anak at pinili na lamang niyang magsaya.
"Six na, Kuya!"
At sunod-sunod ngang natamaan ni Jake at napabagsak ang kinseng parang bola ng pingpong sa harap gamit lamang ang limang bala.
"That's fifteen na! Can I get it na?" masayang tanong ni Tyron sa nagbabantay. Nakangiti naman na ibinigay ng tagabantay ang robot. Si Jake naman
